ХЭРГИЙН ТАНИЛЦУУЛГА: Эрүүгийн хуулийн ерөнхий ангийн 2.2 дугаар зүйлийн 3, тусгай ангийн 17.1 дүгээр зүйлийн 1-д заасны дагуу согтуу байхдаа бусдын эд хөрөнгийг үргэлжилсэн байдлаар, хүч хэрэглэхгүйгээр, нууцаар, хууль бусаар хулгайлсан хэрэг. АНХАН ШАТ: Шүүгдэгч Б.Б-ыг бусдын эд хөрөнгийг хулгайлсан гэм буруутайд тооцож, Эрүүгийн хуулийн ерөнхий ангийн 2.2 дугаар зүйлийн 3, тусгай ангийн 17.1 дүгээр зүйлийн 1-д зааснаар 2 жилийн хугацаагаар хорих ял оногдуулж, нээлттэй хорих байгууллагад эдлүүлэхээр шийдвэрлэв. Хохирогчдод учруулсан нийт 2.194.940 төгрөгийг гаргуулж, хохирогчдод олгохоор тогтов.
ҮНДЭСЛЭЛ: Шүүгдэгч нь согтуу байхдаа бусдын эд хөрөнгийг далимдуулан хулгайлсан болох нь нотлох баримтуудаар тогтоогджээ. Гэмт хэргийн улмаас учирсан хохирлыг барагдуулаагүй, гэм буруугаа хүлээн зөвшөөрсөн зэрэг нөхцөл байдлыг харгалзан ял оногдуулсан.