ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ гэр бүлийн гишүүн болох ээжийгээ зодож, эрүүл мэндэд нь хөнгөн хохирол учруулсан хэмээх хэрэг. АНХАН ШАТ: Шүүгдэгчийг хүний эрүүл мэндэд хөнгөн хохирол санаатай учруулсан болон гэр бүлийн хүчирхийлэл үйлдсэн гэм буруутайд тооцож, 600 цагийн нийтэд тустай ажил хийлгэх ял оногдуулсан.
ҮНДЭСЛЭЛ: Хэрэгт цугласан нотлох баримтууд, тухайлбал хохирогч, гэрч нарын мэдүүлэг, шинжээчийн дүгнэлтийг үндэслэн шүүгдэгчийн гэм бурууг тогтоосон. Шүүгдэгч нь урьд ял шийтгэгдэж байсан ч уг ял шийтгэлийн хугацаа дууссан тул түүний эрх зүйн байдлыг дордуулах үндэслэл болоогүй. Хохирогч нэхэмжлэлгүй, шүүгдэгчийн хувийн байдлыг харгалзан нийтэд тустай ажил хийлгэх ял оногдуулсан.