ХЭРГИЙН ТАНИЛЦУУЛГА: Шүүгдэгчийг гэр бүлийн хүчирхийлэл үйлдэж, гэр бүлийн хамаарал бүхий хүн болох эхнэрийнхээ биед хөнгөн хохирол санаатай учруулсан гэмт хэрэгт буруутгаж байна. АНХАН ШАТ: Шүүгдэгчийг гэр бүлийн хүчирхийлэл үйлдэж, хүний эрүүл мэндэд хөнгөн хохирол санаатай учруулсан гэмт хэрэг үйлдсэнийг тогтоож, Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар 600 нэгжтэй тэнцэх хэмжээний буюу 600.000 төгрөгөөр торгох ял оногдуулсан.
ҮНДЭСЛЭЛ: Хохирогчийн мэдүүлэг, шинжээчийн дүгнэлт, шүүгдэгчийн мэдүүлэг зэрэг нотлох баримтуудаар шүүгдэгчийн гэм буруутай үйлдлийг нотолсон. Гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 2 дахь хэсгийг хэрэглэсэн. Ял оногдуулахдаа гэмт хэргийн шинж чанар, учруулсан хохирол, цагдан хоригдсон хоноггүй, эд мөрийн баримтгүй, хохирол нэхэмжлээгүй зэргийг харгалзан торгох ял оногдуулсан.