ХЭРГИЙН ТАНИЛЦУУЛГА: Б.Б, Б.Ш нар нь бүлэглэн согтууруулах ундаа хэрэглэсэн үедээ иргэн Ц.Э-ийн биед хөнгөн хохирол санаатай учруулсан хэргээр эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан гэмт хэрэгт холбогджээ.
АНХАН ШАТ: Шүүгдэгч Б.Б, Б.Ш нарыг бүлэглэн хүний эрүүл мэндэд хөнгөн хохирол санаатай учруулсан буюу Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар 500,000 төгрөгөөр торгох ялаар тус тус шийтгэжээ.
ҮНДЭСЛЭЛ: Хэргийг хялбаршуулсан журмаар хянан шийдвэрлэх боломжтой гэж үзсэн. Гэм буруу нь хохирогч, гэрчийн мэдүүлэг болон шинжээчийн дүгнэлтээр тогтоогдсон. Эрүүгийн хуулийн ерөнхий ангийн 6.4 дүгээр зүйлийн 1 дэх хэсэгт заасны дагуу согтуурсан үедээ гэмт хэрэг үйлдсэн нь хөнгөрүүлэх нөхцөл болохгүй тул Эрүүгийн хуулийн ерөнхий ангийн 6.7 дугаар зүйлийн 1 дэх хэсэгт заасны дагуу хариуцлагаас чөлөөлөөгүй. Хохирогч нэхэмжлэлгүй, хохирлоо бүрэн барагдуулсан тул төлбөргүй гэж үзсэн.