ХЭРГИЙН ТАНИЛЦУУЛГА: Гэр бүлийн хамаарал бүхий этгээд хоорондоо зодолдож, биед нь хөнгөн хохирол учруулсан хэрэг. АНХАН ШАТ: Гэр бүлийн хүчирхийлэл үйлдэн хүний эрүүл мэндэд хөнгөн хохирол санаатай учруулсан гэмт хэрэгт шүүгдэгчийг буруутайд тооцож, 600,000 төгрөгөөр торгох ял оногдуулсан.
ҮНДЭСЛЭЛ: Шүүгдэгчийн мэдүүлэг, хохирогч болон гэрч нарын мэдүүлэг, хэргийн газрын үзлэг, шинжээчийн дүгнэлт зэрэг нотлох баримтуудаар гэм буруу нь тогтоогдсон. Хохирогчтой эвлэрсэн, учруулсан хохирлыг барагдуулсан нь ял хөнгөрүүлэх нөхцөл болсон.