ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ бусдыг зодож, эрүүл мэндэд нь хөнгөн хохирол учруулсан хэрэг. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар гэм буруутайд тооцож, 432 цаг нийтэд тустай ажил хийлгэх ял оногдуулж, 1,989,480 төгрөгийг хохирогчид нөхөн төлүүлэхээр шийдвэрлэсэн.
ҮНДЭСЛЭЛ: Шүүгдэгч нь гэм буруугаа хүлээн зөвшөөрч, нотлох баримтуудаар гэмт хэрэг үйлдсэн нь тогтоогдсон. Хохирогчийн эрүүл мэндэд учирсан гэмтэл нь Эрүүгийн хуулийн 11.6.1-д заасан хөнгөн хохиролд хамаарна. Гэмт хэрэг үйлдсэн нөхцөл байдал, хохирол, шүүгдэгчийн хувийн байдлыг харгалзан ял оногдуулсан. Хохирогчийн нэхэмжилсэн зардлаас эмчилгээний баримттай зардал болох 1,989,480 төгрөгийг нөхөн төлүүлэхээр шийдвэрлэсэн.