ХЭРГИЙН ТАНИЛЦУУЛГА: Согтууруулах ундаа хэрэглэсэн үедээ бусдын ачааны машины салхины шил, нарны саравчийг чулуугаар шидэж хагалж, 495,000 төгрөгийн хохирол учруулсан гэмт хэрэгт холбогдсон иргэнийг Эрүүгийн хуулийн тусгай ангийн 17.8 дугаар зүйлийн 1 дэх хэсэгт заасан гэмт хэрэгт буруутгасан. АНХАН ШАТ: Шүүгдэгчийг бусдын эд хөрөнгийг хууль бусаар гэмтээж, бага хэмжээнээс дээш хохирол учруулсан гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 17.8 дугаар зүйлийн 1-д зааснаар 500 нэгжтэй тэнцэх хэмжээний төгрөгөөр торгох ял оногдуулсан.
ҮНДЭСЛЭЛ: Гэмт хэргийн улмаас учирсан хохирлыг нотлох баримтууд, шүүгдэгчийн гэм буруугаа хүлээн зөвшөөрсөн байдал, хохирогчийн гомдолгүй байдлыг үндэслэн шүүх тогтоосон.