ХЭРГИЙН ТАНИЛЦУУЛГА: Согтууруулах ундаа хэрэглэсэн үедээ тээврийн хэрэгсэл жолоодож, явган зорчигчийг мөргөж, эрүүл мэндэд нь хүндэвтэр хохирол учруулсан этгээдтэй холбоотой хэрэг. АНХАН ШАТ: Эрүүгийн хуулийн тусгай ангийн 27.10 дугаар зүйлийн 2 дахь хэсгийн 2.1 дэх заалтад заасан гэмт хэрэгт буруутгаж, хэргийг хялбаршуулсан журмаар шийдвэрлэсэн.
ҮНДЭСЛЭЛ: Шүүгдэгч гэм буруугаа хүлээн зөвшөөрч, хохирогчтой эвлэрсэн. Тээврийн хэрэгсэл жолоодож, хөдөлгөөний аюулгүй байдлын дүрмийг зөрчсөн нь нотлогдсон. Шүүхээс хорих ял оногдуулахгүйгээр тэнсэж, тээврийн хэрэгсэл жолоодох эрхийг нь хассан.