ХЭРГИЙН ТАНИЛЦУУЛГА: Архи, согтууруулах ундааны зүйл хэрэглэсэн үедээ гэр бүлийн гишүүнээ зодож, хөнгөн хохирол учруулсан этгээдэд холбогдох хэргийг хялбаршуулсан журмаар хянан шийдвэрлэв. АНХАН ШАТ: Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар гэр бүлийн хүчирхийлэл үйлдэн, хүний эрүүл мэндэд хөнгөн хохирол санаатай учруулсан гэмт хэрэгт гэм буруутайд тооцож, 800,000 төгрөгөөр торгох ял оногдуулж, ялыг 3 сарын хугацаанд хэсэгчлэн төлөхийг зөвшөөрөв.
ҮНДЭСЛЭЛ: Шүүх хуралдаанаар хэлэлцэгдсэн нотлох баримтуудаар шүүгдэгчийн үйлдсэн гэмт хэрэг нь тогтоогдсон. Хохирогчтой эвлэрч, хохирол арилсан нь тогтоогдсон тул гэм буруутай этгээдэд оногдуулсан ялыг хязгаарлаж, торгох ялыг хэсэгчлэн төлөх боломжийг олгосон.