ХЭРГИЙН ТАНИЛЦУУЛГА: Худалдагч, худалдан авагч хоорондын маргааны улмаас худалдагчийн эрүүл мэндэд хөнгөн хохирол учруулсан хэрэг. АНХАН ШАТ: Хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, 500,000 төгрөгөөр торгох ял оногдуулсан.
ҮНДЭСЛЭЛ: Хэргийн бодит байдлыг тогтоохын тулд шүүгдэгч, хохирогч, гэрч нарын мэдүүлэг, шүүх эмнэлгийн дүгнэлтийг хавтаст хэрэгт цуглуулж, шинжлэн судлаад, Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийг үйлдсэн болох нь тогтоогдсон. Хохирогч нь гэм буруутай этгээдтэй сайн дураараа эвлэрсэн тул хохирлыг барагдуулсан гэж үзсэн.