ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ бусдын эрүүл мэндэд хөнгөн хохирол санаатай учруулсан хэргүүд. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1, 2 дахь хэсэгт зааснаар шүүгдэгч Г.Х-ыг хоёр хүний эрүүл мэндэд хөнгөн хохирол учруулсан, шүүгдэгч И.Ө-ыг нэг хүний эрүүл мэндэд хөнгөн хохирол учруулсан гэм буруутайд тооцжээ.
ҮНДЭСЛЭЛ: Шүүгдэгч нар гэм буруугаа хүлээн зөвшөөрч, үйлдсэн хэргийнхээ нийгэмд аюултай шинж чанарыг ухамсарласан. Шүүгдэгч Г.Х-д 5 сар зорчих эрх хязгаарлах ял, шүүгдэгч И.Ө-д 1,000,000 төгрөгөөр торгох ял оногдуулжээ. Хохирогч Д.А- нь сэтгэцэд учирсан хохирлоо нэхэмжлэх эрхтэй үлдсэн. Гэмт хэрэг үйлдсэн шалтгаан нь архи, согтууруулах ундааны зүйл хэрэглэсэн явдал байжээ.