ХЭРГИЙН ТАНИЛЦУУЛГА: Шүүгдэгч нь жолоодох эрхээ хасуулсан байхдаа согтуугаар тээврийн хэрэгсэл жолоодож, Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэрэг үйлдсэн гэм буруутайд тооцогдсон. АНХАН ШАТ: Шүүгдэгчийг тээврийн хэрэгсэл жолоодох эрхийг 2 жилийн хугацаагаар хасч, 4.500.000 төгрөгөөр торгож, торгох ялыг 5 сарын хугацаанд хэсэгчлэн төлүүлэхээр шийтгэсэн.
ҮНДЭСЛЭЛ: Гэм бурууг тогтооход шүүгдэгч өөрийн гэм буруугаа хүлээн зөвшөөрч, нотлох баримтууд хангалттай байсан. Эрүүгийн хариуцлага хүлээлгэхдээ гэм буруугийн зарчим, үйлдсэн хэргийн шинж чанар, шүүгдэгчийн хувийн байдал зэргийг харгалзан үзсэн.