ХЭРГИЙН ТАНИЛЦУУЛГА: Хуулийн этгээд нь үйлдвэрлэж буй бүтээгдэхүүний чанарыг шалгах зорилгоор хориглосон химийн бодисыг хууль бусаар ашигласан, хадгалсан. АНХАН ШАТ: Хуулийн этгээдийг Эрүүгийн хуулийн тусгай ангийн 24.3 дугаар зүйлийн 3 дахь хэсэгт зааснаар гэм буруутайд тооцож, үйл ажиллагаа явуулах эрхийг 1 жилийн хугацаагаар хасаж, 50,000,000 төгрөгөөр торгож, торгох ялыг 1 жилийн хугацаанд хэсэгчлэн төлүүлэхээр шийтгэсэн.
ҮНДЭСЛЭЛ: Шүүгдэгч нь хууль бусаар химийн хорт бодис ашигласан, хадгалсан нь нотлох баримтаар тогтоогдсон. Холбогдох хууль тогтоомжийн дагуу гэм буруутай үйлдлийг тогтоон, эрүүгийн хариуцлага хүлээлгэхээр шийдвэрлэсэн.