ХЭРГИЙН ТАНИЛЦУУЛГА: Жолооч замын хөдөлгөөний дүрмийг зөрчин явган зорчигчийг мөргөж, хүндэвтэр хохирол учруулсан хэрэг. АНХАН ШАТ: Тээврийн хэрэгслийн жолооч замын хөдөлгөөний дүрмийг зөрчсөний улмаас явган зорчигчийн эрүүл мэндэд хүндэвтэр хохирол учруулсан гэм буруутайд тооцож, Эрүүгийн хуулийн ерөнхий ангийн 6.7 дугаар зүйлийн 1 дэх хэсэгт заасны дагуу эрүүгийн хариуцлагаас чөлөөлсөн.
ҮНДЭСЛЭЛ: Жолооч явган хүний гарцаар гарч буй явган зорчигчид зам тавьж өгөх үүргээ биелүүлээгүйгээс зам тээврийн осол гаргасан болох нь нотлох баримтуудаар тогтоогдсон. Гэсэн хэдий ч шүүгдэгч гэм буруугаа хүлээн зөвшөөрч, хохирол барагдуулсан, анх удаа тохиолдлоор гэмт хэрэг үйлдсэн, урьд эрүүгийн хариуцлага хүлээж байгаагүй зэрэг нөхцөл байдлыг харгалзан эрүүгийн хариуцлагаас чөлөөлөх нь зохино гэж шүүх үзсэн.