ХЭРГИЙН ТАНИЛЦУУЛГА: Шүүгдэгч нь архи согтууруулах ундаа хэрэглэсэн хохирогчийг зодож, зүүн 9 дүгээр хавирганы хугарал, баруун мөрөнд цус хуралт бүхий хөнгөн хохирол учруулсан хэргээр яллагдав. АНХАН ШАТ: Шүүгдэгч нь хүний эрүүл мэндэд хөнгөн хохирол санаатай учруулах гэмт хэргийг үйлдсэн гэм буруутайд тооцож, 500,000 төгрөгөөр торгох ял оногдуулж, 3 сарын хугацаанд хэсэгчлэн төлүүлэхээр шийтгэв.
ҮНДЭСЛЭЛ: Хохирогчийн зүгээс хэргийн нөхцөл байдалд нөлөөлсөн нь тогтоогдсон, шүүгдэгч гэм буруугаа хүлээн зөвшөөрч, хохирлыг барагдуулсан, анх удаа гэмт хэрэг үйлдсэн зэрэг хөнгөрүүлэх нөхцөл байдлуудыг харгалзан ял шийтгэлийг тогтоосон.