ХЭРГИЙН ТАНИЛЦУУЛГА: Жолоодох эрхээ хасуулсан этгээд согтуурсан үедээ тээврийн хэрэгсэл жолоодож, хяналт шалгалтын журмаас зайлсхийсэн гэмт хэрэгт холбогджээ.
АНХАН ШАТ: Шүүгдэгчийг Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэм буруутайд тооцож, 2 жилийн хугацаагаар жолоодох эрхийг хасаж, 320 цаг нийтэд тустай ажил хийлгэх ял оногдуулжээ.
ҮНДЭСЛЭЛ: Шүүгдэгч нь жолоодох эрхээ хасуулсан байхдаа согтуугаар тээврийн хэрэгсэл жолоодож, согтуу, мансуурсан эсэхээ шалгуулахаас зайлсхийсэн нь нотлох баримтуудаар тогтоогдсон. Гэмт хэргийн улмаас хохирол учраагүй тул нөхөн төлбөргүй гэж үзжээ.