ХЭРГИЙН ТАНИЛЦУУЛГА: Шүүгдэгч нь тээврийн хэрэгсэл жолоодох эрхээ хасуулсан байхад согтуугаар автомашин жолоодож замын хөдөлгөөнд оролцсон гэмт хэрэгт холбогдсон. АНХАН ШАТ: Шүүгдэгчийг Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэрэг үйлдсэнд тооцож, тээврийн хэрэгсэл жолоодох эрхийг 3 жилийн хугацаагаар хасч, 2,800,000 төгрөгөөр торгож, торгох ялыг 6 сарын хугацаанд хэсэгчлэн төлүүлэхээр шийдвэрлэсэн.
ҮНДЭСЛЭЛ: Шүүгдэгч нь жолоодох эрхээ хасуулсан байхдаа 1.81 промиль согтолттой үедээ автомашин жолоодсон нь тогтоогдсон. Гэм буруугаа хүлээн зөвшөөрсөн, ар гэр болон хувийн байдлыг харгалзан үзэж ял шийтгэл оногдуулсан.