ХЭРГИЙН ТАНИЛЦУУЛГА: Жолооч тээврийн хэрэгсэл жолоодох эрхээ хасуулсан байхдаа согтуугаар тээврийн хэрэгсэл жолоодсон. АНХАН ШАТ: Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэрэгт холбогдуулан шүүгдэгчийг гэм буруутайд тооцож, тээврийн хэрэгсэл жолоодох эрхийг 3 жилийн хугацаагаар хасч, 4,500,000 төгрөгөөр торгож, торгох ялыг 6 сарын хугацаанд хэсэгчлэн төлүүлэхээр шийтгэв.
ҮНДЭСЛЭЛ: Шүүгдэгч нь өмнө нь согтуугаар тээврийн хэрэгсэл жолоодож эрхээ хасуулсан байхдаа дахин согтуугаар жолоодож, гэм буруугаа хүлээн зөвшөөрсөн. Хүндрүүлэх нөхцөл байдал тогтоогдоогүй, тохиолдлын шинжтэй байдлыг харгалзан ял шийтгэл оногдуулсан.