ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ буюу тодорхой нэгэн өдөр хохирогчийг үл тоолох шалтгаанаар 2 удаа хавсарч унагах үйлдлээр зодож, эрүүл мэндэд нь баруун өлмийн 2 дугаар ясны далд хугарал, баруун мөр, бугалгад цус хуралт, баруун тохой, цээжинд зулгаралт гэмтэл бүхий хүндэвтэр хохирол санаатай учруулсан хэрэгт шүүгдэгч холбогдсон.
АНХАН ШАТ: Шүүгдэгчийг Эрүүгийн хуулийн тусгай ангийн 11.4 дүгээр зүйлийн 1 дэх хэсэгт заасан "хүний эрүүл мэндэд хүндэвтэр хохирол санаатай учруулсан" гэмт хэрэгт гэм буруутайд тооцож, 1.500.000 төгрөгөөр торгох ял оногдуулсан. Мөн эмчилгээ үйлчилгээнд зарцуулсан 199.682 төгрөгийг шүүгдэгчээс гаргуулж Эрүүл мэндийн даатгалын дансанд төлүүлэхээр шийдвэрлэсэн.
ҮНДЭСЛЭЛ: Шүүхээс хэргийн бодит байдлыг тогтоохдоо хохирогч, гэрчийн мэдүүлэг, хяналтын камерыны бичлэг, шинжээчийн дүгнэлт зэрэг нотлох баримтуудыг шинжлэн судалж, шүүгдэгчийн үйлдсэн үйлдэл нь Эрүүгийн хуулийн тусгай ангийн 11.4 дүгээр зүйлийн 1 дэх хэсэгт заасан гэмт хэргийн шинжийг бүрэн хангасан гэж дүгнэлээ. Шүүгдэгч нь гэмт хэрэг үйлдсэнийхээ төлөө гэмших байдал, хохирол төлбөр төлсөн зэргийг харгалзан ялыг тогтоосон. Хохирогчийн нэхэмжилсэн хохирлоос илүү шүүгдэгч төлбөр төлсөн байдал тогтоогдсон тул шүүгдэгчийг бусдад төлөх төлбөргүй гэж үзсэн.
Өөр асуулт байна уу?
Монгол Улсын хууль, тогтоомж, шүүхийн шийдвэрийн санд суурилсан хиймэл оюунаас хүссэн асуултаа асуу
Асуух