ХЭРГИЙН ТАНИЛЦУУЛГА: Шүүгдэгч нь жолоодох эрхээ хасуулсан байхдаа согтуугаар тээврийн хэрэгсэл жолоодож, замын хөдөлгөөний дүрмийг зөрчсөн үндэслэлээр Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэрэгт холбогджээ.
АНХАН ШАТ: Шүүгдэгчийг Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан "Тээврийн хэрэгсэл жолоодох эрхээ хасуулсан хүн согтуурсан үедээ тээврийн хэрэгсэл жолоодсон" гэмт хэрэг үйлдсэн гэм буруутайд тооцож, жолоодох эрхийг 2 жил хасаж, 6 сараар хорих ял оногдуулжээ.
ҮНДЭСЛЭЛ: Хэрэгт цугларсан нотлох баримтуудаар шүүгдэгч нь жолоодох эрхээ хасуулсан байхдаа согтуугаар тээврийн хэрэгсэл жолоодсон болох нь нотлогдсон. Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэргийн шинж чанар, шүүгдэгчийн үйлдсэн гэм буруугийн хэлбэр, нийгмийн аюулын шинж чанар, хэмжээ, хувийн байдлыг харгалзан үзэж, гэмт хэргээс урьдчилан сэргийлэх, цээрлүүлэх зорилгыг хангуулахаар ялыг оногдуулсан.