ХЭРГИЙН ТАНИЛЦУУЛГА: Согтуугаар биед халдаж, хохирогчийн эрүүл мэндэд хөнгөн хохирол санаатай учруулсан гэмт хэрэгт холбогдсон этгээдийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт буруутай эсэхийг хянан шийдвэрлэв. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар гэмт хэрэг үйлдсэн гэм буруутайд тооцож, 450 нэгжтэй тэнцэх хэмжээний буюу 450,000 төгрөгөөр торгох ялаар шийтгэв.
ҮНДЭСЛЭЛ: Шүүгдэгч нь хохирогчийн эрүүл мэндэд хөнгөн хохирол учруулсан нь хохирогч, гэрч, шинжээч нарын мэдүүлэг, шинжээчийн дүгнэлтээр тогтоогдож, Эрүүгийн хуулийн тусгай ангийн 11.6 дугаар зүйлийн 1 дэх хэсгийн шинжийг бүрэн хангасан. Хохирол нөхөн төлөгдсөн, шүүгдэгч гэм буруугаа хүлээн зөвшөөрч, хялбаршуулсан журмаар хэрэг хянан шийдвэрлүүлэхээр хүсэлт гаргасан нь ял хөнгөрүүлэх нөхцөл болсон.