ХЭРГИЙН ТАНИЛЦУУЛГА: Шүүгдэгч нь тээврийн хэрэгсэл жолоодох эрхээ хасуулсан хугацаанд согтууруулах ундаа хэрэглэсэн үедээ тээврийн хэрэгсэл жолоодсон гэмт хэрэгт холбогджээ. АНХАН ШАТ: Эрүүгийн хуулийн тусгай ангийн 27.10 зүйлийн 5-д заасан гэмт хэргийг үйлдсэн гэм буруутайд тооцсон.
ҮНДЭСЛЭЛ: Шүүгдэгч нь эрхээ хасуулсан байхдаа согтуугаар тээврийн хэрэгсэл жолоодож, амьсгал дахь спиртийн агууламж 0.33% байсан нь нотлогдсон. Эрүүгийн хуулийн 27.10 зүйлийн 5-д заасан тээврийн хэрэгсэл жолоодох эрхээ хасуулсан хүн согтуурсан үедээ тээврийн хэрэгсэл жолоодсон бол эрүүгийн хариуцлага хүлээлгэхээр заасан тул гэм буруутайд тооцож, 2 жилийн хугацаагаар жолоодох эрхийг хасаж, 650 цагаар нийтэд тустай ажил хийлгэх ял оногдуулсан.