ХЭРГИЙН ТАНИЛЦУУЛГА: Иргэн Б.Б нь бусдын эд хөрөнгийг хууль бусаар устгаж, гэмтээсэн буюу Эрүүгийн хуулийн тусгай ангийн 17.8 дугаар зүйлийн 1 дэх хэсэгт заасан гэмт хэрэгт холбогджээ. АНХАН ШАТ: Шүүгдэгч Б.Б-г бусдын эд хөрөнгийг хууль бусаар гэмтээсний улмаас бага хэмжээнээс дээш хохирол учруулсан гэм буруутайд тооцож, 1,000,000 төгрөгөөр торгох ял оногдуулсан.
ҮНДЭСЛЭЛ: Гэмт хэрэг үйлдсэн нь нотлох баримтуудаар тогтоогдож, хохирогчийн хохирлыг төлж барагдуулсан, шүүгдэгч нь урьд ял шийтгэл эдлэж байгаагүй, гэм буруугаа хүлээн зөвшөөрч байгаа зэрэг нөхцөл байдлыг харгалзан ял шийтгэлийг оногдуулсан.