ХЭРГИЙН ТАНИЛЦУУЛГА: Өсвөр насны хоёр шүүгдэгчийг Эрүүгийн хуулийн тусгай ангийн 10.1 дүгээр зүйлийн 1 дэх хэсэгт заасан "Хүнийг алах" болон 17.2 дугаар зүйлийн 1 дэх хэсэгт заасан "Бусдын эд хөрөнгийг дээрэмдэх" гэмт хэрэгт холбогдуулан яллах дүгнэлт үйлдсэн хэргийг анхан шатны шүүх хянан хэлэлцэв.
АНХАН ШАТ: Анхан шатны шүүх шүүгдэгч ***********-ийг Эрүүгийн хуулийн тусгай ангийн 10.1 дүгээр зүйлийн 1 дэх хэсэгт заасан гэмт хэрэгт, шүүгдэгч ***********-ийг Эрүүгийн хуулийн тусгай ангийн 17.2 дугаар зүйлийн 1 дэх хэсэгт заасан гэмт хэрэгт тус тус гэм буруутайд тооцсон.
ҮНДЭСЛЭЛ: Анхан шатны шүүх нь шүүгдэгч ***********-д Эрүүгийн хуулийн тусгай ангийн 10.1 дүгээр зүйлийн 1 дэх хэсгийг журмаар 8 жилийн хорих ял оногдуулан, хөнгөлөлт үзүүлж 4 жилийн хорих ял болгон тогтоож, сургалт-хүмүүжлийн тусгай байгууллагад эдлүүлэхээр шийдвэрлэв. Мөн шүүгдэгч ***********-д Эрүүгийн хуулийн тусгай ангийн 17.2 дугаар зүйлийн 1 дэх хэсгийг журмаар 2 жилийн хугацаагаар зорчих эрхийг хязгаарлах ял оногдуулж, хөнгөлөлт үзүүлэн 1 жилийн хугацаагаар тогтоов. Гэм буруутай шүүгдэгчдээс хохирогчийн хууль ёсны төлөөлөгчид нэхэмжилсэн мөнгийг гаргуулж олгохоор шийдвэрлэв.