ХЭРГИЙН ТАНИЛЦУУЛГА: Тээврийн хэрэгсэл жолоодох эрхээ хасуулсан этгээд согтуурсан үедээ тээврийн хэрэгсэл жолоодсон гэмт хэрэг үйлдсэн талаарх хэргийг шүүхэд шилжүүлэн ирүүлжээ. Шүүгдэгч гэм буруугаа хүлээн зөвшөөрсөн.
АНХАН ШАТ: Шүүгдэгчийг Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан "тээврийн хэрэгсэл жолоодох эрхээ хасуулсан хүн согтуурсан үедээ тээврийн хэрэгсэл жолоодсон" гэмт хэрэг үйлдсэнд гэм буруутайд тооцож, тээврийн хэрэгсэл жолоодох эрхийг 1 жилийн хугацаагаар хасч, 2,700,000 төгрөгийн эд хөрөнгийн ял оногдуулсан.
ҮНДЭСЛЭЛ: Шүүгдэгч нь тээврийн хэрэгсэл жолоодох эрхээ 1 жилийн хугацаагаар хасуулсан байхдаа согтуурсан үедээ тээврийн хэрэгсэл жолоодсон нь нотлох баримтуудаар тогтоогдсон. Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэргийн бүрдэл хангагдсан, зүйлчлэл тохирсон. Эрүүгийн хариуцлагыг хөнгөрүүлэх, хүндрүүлэх нөхцөл байдал тогтоогдоогүй. Шүүгдэгчийн хувийн байдал, амьдралын нөхцөл байдлыг харгалзан оногдуулсан ялыг хуваан төлүүлэхээр шийдвэрлэсэн.