ХЭРГИЙН ТАНИЛЦУУЛГА: Шүүгдэгч нь хориглосон сэтгэцэд нөлөөт бодисыг худалдаалах зорилгогүйгээр хууль бусаар хадгалсан хэргээр яллагдсан. АНХАН ШАТ: Шүүгдэгчийг Эрүүгийн хуулийн тусгай ангийн 20.7 дугаар зүйлийн 1 дэх хэсэгт заасан гэмт хэрэгт холбогдуулан нэг жилийн хугацаагаар хорих ял оноож, гэмт хэрэгт ашигласан тээврийн хэрэгслийн үнийг улсын орлого болгохоор шийдвэрлэв.
ҮНДЭСЛЭЛ: Шүүгдэгчийн тээврийн хэрэгслээс хууль бусаар хадгалсан сэтгэцэд нөлөөт бодис илэрсэн нь нотлох баримтаар тогтоогдсон. Хуульд заасан сэтгэцэд нөлөөт бодисын тухай конвенц болон холбогдох хууль тогтоомжуудыг үндэслэн хэргийг шийдвэрлэв.