ХЭРГИЙН ТАНИЛЦУУЛГА: Жолооны эрхээ хасуулсан этгээд согтуугаар тээврийн хэрэгсэл жолоодож, Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэрэг үйлдсэн үндэслэлээр яллагдагчаар татагдсан.
АНХАН ШАТ: Шүүгдэгчийг Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэрэгт буруутгаж, тээврийн хэрэгсэл жолоодох эрхийг 1 жил 6 сар хасаж, 476 цагийн нийтэд тустай ажил хийлгэхээр шийтгэв.
ҮНДЭСЛЭЛ: Тээврийн хэрэгсэл жолоодох эрхээ хасуулсан этгээд согтуугаар тээврийн хэрэгсэл жолоодсон нь Эрүүгийн хуулийн 27.10 дугаар зүйлийн 5 дахь хэсэгт заасан гэмт хэргийн шинжийг бүрэн хангаж байна. Гэмт хэргийн улмаас хохирол учраагүй байсан ч уг гэмт хэрэг нь хэлбэрийн шинжтэй буюу үйлдлээрээ төгсдөг. Шүүгдэгч өөрийн гэм буруугаа хүлээн зөвшөөрсөн.