ХЭРГИЙН ТАНИЛЦУУЛГА: Нярав албан тушаалын байдлаа ашиглан бусдын итгэмжлэн хариуцуулсан эд хөрөнгийг завшсан гэмт хэрэгт холбогдсон шүүгдэгчийн хэргийг хянан хэлэлцэв. АНХАН ШАТ: Эрүүгийн хуулийн тусгай ангийн 17.4 дүгээр зүйлийн 2 дахь хэсгийн 2.1-д заасан үндэслэлээр яллах дүгнэлт үйлдсэн хэргийг Эрүүгийн хуулийн тусгай ангийн 17.4 дүгээр зүйлийн 1 дэх хэсэгт заасан "үргэлжилсэн үйлдлээр бусдын итгэмжлэн хариуцуулсан эд хөрөнгийг завшсан" гэмт хэрэг үйлдсэнд тооцож, 1 жилийн хугацаагаар хорих ялаар шийтгэв.
ҮНДЭСЛЭЛ: Шүүгдэгчийг албан тушаалын байдлаа ашигласан гэх үндэслэл тогтоогдоогүй тул Эрүүгийн хуулийн тусгай ангийн 17.4 дүгээр зүйлийн 1 дэх хэсэгт зааснаар хөнгөрүүлэн зүйлчилж, 46,650,500 төгрөгийн хохирлыг шүүгдэгчээс гаргуулан хохирогч компанид олгохоор шийдвэрлэв.