ХЭРГИЙН ТАНИЛЦУУЛГА: Шүүгдэгч Г... нь нэн ховор ургамал болох 21 шуудай, 489 кг хонин арцыг зохих зөвшөөрөлгүй худалдан авч, хадгалсан нь Эрүүгийн хуулийн тусгай ангийн 24.8 дугаар зүйлийн 1 дэх хэсэгт заасан гэмт хэрэгт хамаарна. АНХАН ШАТ: Шүүгдэгчийг нэн ховор ургамлыг хууль бусаар худалдан авч хадгалсан гэм буруутайд тооцон, 5,500,000 төгрөгөөр торгож, учирсан 45,990,220 төгрөгийн хохирлыг улсын орлого болгох байгаль орчин уур амьсгалын санд оруулж шийдвэрлэв.
ҮНДЭСЛЭЛ: Шүүгдэгчийн гэм бурууг хэрэгт цугларсан гэрч, шинжээч, баримтуудаар тогтоож, үйлдлийг санаатай гэмт хэрэгт тооцсон. Ургамлын экологи-эдийн засгийн үнэлгээг үндэслэн хохирлыг тогтоож, Эрүүгийн хуулийн тусгай ангийн 24.8 дугаар зүйлийн 1 дэх хэсэгт зааснаар торгох ял оногдуулав. Хураагдсан арцыг борлуулж орлогыг улсын санд оруулсан.