ХЭРГИЙН ТАНИЛЦУУЛГА: Шүүгдэгч согтууруулах ундааны зүйл хэрэглэсэн үедээ хохирогчийг түлхэж унаган эрүүл мэндэд нь хөнгөн хохирол санаатай учруулсан гэх хэрэг. АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан "Хүний эрүүл мэндэд хөнгөн хохирол санаатай учруулах" гэмт хэргийг үйлдсэн гэм буруутайд тооцож, 1,300,000 төгрөгөөр торгох ял оногдуулж, хохиролд учирсан 229,600 төгрөгийг гаргуулж олгохоор шийдвэрлэсэн.
ҮНДЭСЛЭЛ: Хохирогчийн мэдүүлэг, гэрч нарын мэдүүлэг, шинжээчийн дүгнэлт зэрэг нотлох баримтуудаар шүүгдэгчийн гэм буруу нь тогтоогдсон. Шүүгдэгчийн аргагүй хамгаалалт байсан гэх тайлбарыг хүлээн аваагүй. Эрүүгийн хуулийн зорилгод нийцүүлэн ялыг тогтоосон.